۔۔۔۔۔ " آل یوتھ اور حالیہ فضائی معرکہ "

  یہ  کوئی ڈھکی چھپی بات  نہیں ہے کہ  پاکستان کو روز اول سے ہی  بے شمار  اندرونی اور بیرونی مسائل  کا سامنا رہتا ہے ان مسائل  کے ساتھ ساتھ  ایک  اور تکلیف دہ اور مستقل  بیماری اپنے  پڑوسی ملک بھارت کی صورت میں ہمیشہ  لاحق رہتی  ہے جسے   اس خطے میں بسنے والے 25 کروڑ  باشندوں کی  کوئی کامیابی   ہضم نہیں ہوتی   اپنے حجم  آبادی اور وسائل کے اعتبار سے ایک بڑا ملک ہونے کی وجہ سے بھارت اپنے  ہمسایہ ممالک کی خود مختاری اور آزادی کو پائمال کرنے کا کوئی موقع ہاتھ سے جانے نہیں دیتا بلخصوص پاکستان کو انڈر پریشر رکھنے کی  خواہش ہر وقت اس کے سینے میں جا گزیں رہتی ہے  پاکستان کے شمال مغربی  سرحدی علاقوں اور افغانستان میں لٹیروں اور بلیک میلروں  کے بہت سے گروپس بحری قذاقوں کی طرح  سارا سال کاروائیاں کرتے رہتے ہیں جن میں ٹی ٹی پی بی ایل اے آئسس   فرقہ پرست اور لسانی  تنظیمیں شامل ہیں  جنہیں اپنا مذموم نیٹ ورک قائم کرنے کے لئے  بھارت مالی وسائل مہیا کرتا ہے اس کے علاوہ را اور ان کے سٹریٹیجک پارٹنرز مل کر  معاشی اور سیاسی گرداب میں گھرے ہوئے  پاکستان  کی سالمیت کا شیرازہ بکھرنے  کی آرزو  دل میں لئے  ہر وقت مواقع کی تلاش میں  سرگرداں رہتے ہیں ہم نے خود بھی اپنی حماقتوں  اور عوام دشمن پالیسوں کی وجہ سے  ملک میں انیس سو اکہتر جیسے حالات پیدا کرنے کے لیے کوئی کسر باقی  نہیں چھوڑی جنگ سے پہلے عوام  حکومت اور  فوج  کے مخالف سمت کھڑے دکھائی دیتے  تھے  پاکستان کے ازلی  دشمن بھارت نے اسے سنہری موقع جان کر پاکستان کے قلب پر کاری ضربیں لگانے کا ناپاک منصوبہ بنایا   اپنے نمک خوار بلوچ باغیوں کے ذریعے جعفر ایکسپریس کو اغوا کروایا شناختی کارڈ چیک کرنے کے بعد سینکڑوں پنجابی مسافروں اور فوج کے جوانوں کو گولیوں کا نشانہ بنایا پوری پاکستانی قوم شدید غصے  کی کیفیت میں تھی مگر   اپنی کمزوریوں اور گرے ایریاز کو پیش نظر رکھتے ہوئے خاموشی اختیار کر لی ادھر بھارتی وزیراعظم نریندرا مودی  نے پہلگام میں  26 سیاحوں کو موت کے گھاٹ اتار کر  پاکستان پر حملے کا جواز گھڑ لیا  مودی اپنے آپ کو شیوا جی اور سانبھا جی مہاراج کا معنوی جانشین سمجھتا ہے  بھارتی  ڈراموں  فلموں اور موسیقی  کی رسیا  قوم ہے  جنگ کو بھی کسی  فلم کی شوٹنگ کا حصہ  سمجھ رہے  تھے  مودی نے  مسلمانوں اور ہندووں کے درمیان نفرت کو بڑھاوا دینے کے لئے پہلے "چھاوا" نامی فلم ریلیز کروائی پھر   مغل شہنشاہ  اورنگ زیب عالمگیر  کے مزار پر حملے کروائے اس کے علاوہ  اپنے سٹریٹیجک پارٹنرز اور اتحادیوں کو اعتماد میں لے کر بلوچستان اور آذاد کشمیر پر قبضے کا منصوبہ بنایا  امریکہ نے ٹرین پر حملے کا واقعہ رونما ہونے سے پہلے اپنے شہریوں کو ٹریول ایڈوائزری جاری کر رکھی تھی بھارتی حملوں سے پہلے  پاکستان میں جنگی درجہ حرارت صفر کے برابر  تھا مگر  بھارت کی طرف سے  مسلسل یک طرفہ حملوں نے پاکستانی قوم میں شدید غم وغصہ بھر دیا پوری قوم سیسہ پلائی ہوئیدیوار بن کر اپنی فوج کی پشت پر کھڑی ہو گئی پاک فضائیہ کے شاہینوں نے بہادری اور شجاعت کی لازوال داستانیں رقم کیں پاکستانی جنگی طیاروں نے اپنی فضائی حدود کی حفاظت کرتے ہوئے جنگ عظیم دوم  کے بعد سب سے  بڑی اور طویل دورانیے کی   فضائی جنگ لڑی  اس معرکے میں حملہ آور بھارت  رافیل سمیت پانچ  جدید ترین  جنگی طیاروں سے ہاتھ دھو بیٹھا  طویل عرصہ سے جنگ دیکھنے والی پاکستانی  قوم ڈرون حملوں کو فائر ورک سمجھ کر محظوظ ہوتی  رہی

 ایک جنگ فضاوں اور محاذوں پر پاکستانی فوج  لڑ  رہی تھی جبکہ دوسری  جنگ پاکستانی یوتھ سوشل میڈیا پر لڑنے میں مصروف تھی دفاعی تجزیہ نگار اور جنگی حکمت عملی  کے ماہرین  جنگ کے دوران اپنے جوانوں کا مورال ہائی رکھنے اور ان کا لہو گرمانے کے لئے  پروپیگنڈا ٹیم کو باقاعدہ فوج کا اہم  جزو سمجھتے ہیں پاکستانی نوجوانوں نے اپنے سارے گلے شکوے اور ناراضگیاں ایک طرف رکھتے ہوئے بغیر وقت ضائع کئے سوشل میڈیا کا محاذ سنبھال لیا دیکھتے ہی دیکھتے چند  لمحوں میں اپنی فوج  اور پاکستان کے بیانیے کو دنیا بھر میں پھیلا دیا مجھے امریکہ سے میرے بیٹے اور برطانیہ سے دوستوں نے بتایا ہے کہ ہفتے اور اتوار کو پوری دنیا کے سوشل میڈیا پر صرف پاکستانی بیانیہ چھایا ہوا تھا دنیا کا ہر شخص بھارت اور اسرائیل کے گٹھ جوڑ پر سیخ پا تھا اور ان کی جارحانہ پالیسوں کی وجہ سے ان ممالک پر  لعن طعن کر رہا تھا اس کے برعکس بھارتی جھوٹ پر جھوٹ بولے جا  رہے تھے جس کا یقین خود بھارتیوں کو بھی نہیں تھا 

 بنیان المرصوص  معرکے  میں بے مثال  کامیابی حاصل کرنے پر پاکستان کی فوجی قیادت فضائیہ کے ہوا باز  بری بحری افواج کے سرفروش  اور سوشل میڈیا پر جنگ لڑنے والے جواں سال مجاہد   مبارک باد کے مستحق ہیں جن کی جرت  استقامت اور بصیرت  کی  بدولت  اللہ کریم نے قوم کو حق و باطل کے اس  معرکے میں سرخرو کیا ماضی کی تاریخ کو مد نظر رکھ کر یہ کہنا مشکل نہیں ہے کہ حالیہ جنگ کوئی  اخری معرکہ نہیں کشمیر پاکستان اور بھارت کے درمیان کور ایشو ہے  شملہ معائدہ زائدالمیعاد  time barred  ہونے کی وجہ سے منسوخ ہو چکا ہے یو این او کو اپنی قراردادوں سے گرد  جھاڑ کر ان پر عمل درآمد کروانے کے لئے اقدامات کرنے چاہیں   لاکھوں کشمیری نوجوان  آزادی کے لئے اپنے سروں کی فصلیں کٹوا چکے ہیں پاکستان کا وجود  کشمیر کے  بغیر ادھورا ہے اس کے  دریا ہماری لائف لائنز ہیں اس لئے بزدلوں کی طرح  زندگی جینے سے عزت کی موت مرنا  لاکھ درجہ بہتر ہے پاکستان کو  مضبوط اعصاب کے مالک جنگجو اور جری لیڈروں کی ضرورت ہے جو عوام میں مقبول ہونے کے ساتھ  شدید دباو میں بھی ڈیلیور کرنے کی صلاحیت رکھتے ہوں  اب وقت آ گیا ہے کہ بلوچستان کو  باغیوں اور ان کے ہمدردوں  کے ناپاک  وجود سے پاک کر دیا جائے متوقع خطرات کے پیش نظر پاکستانی قیادت کو اپنی صفوں میں اتحاد اتفاق اور ہم آہنگی  پیدا کرنے کی شدید ضرورت ہے 

ہمیں ہر حال میں آزاد جینا ہے فضاوں میں 

اجل کے خوف سے اڑتے کبوتر مر نہیں جاتے

چلے ہیں قافلے مقتل سجانے پھر کسی جانب 

جہاں سے لوٹ کر سرفروشوں کے سر نہیں جاتے 

زمانہ بھی انہیں دل سے بھلا دیتا ہے بلآخر 

جو ان کے راستوں سے خار کچھ چن کر نہیں جاتے